සංඛ්‍යාත පැවරීම්
සංඛ්‍යාත පැවරීම යනු සංඛ්‍යාත වර්ණාවලි ඉංජිනේරු මූලධර්ම සහ ජාතික නියාමන ප්‍රතිපත්තිවලට අනුකූලව සුදුසු රේඩියෝ සංඛ්‍යාත හෝ නාලිකා හඳුනා ගැනීමයි. අදාළ රේඩියෝ උපකරණ සේවයට ගැනීමට පෙර පැවරුමකට අදාළ බලපත්‍ර ආකෘතියක් මඟින් සහාය ලබයි.
ශ්‍රී ලංකා විදුලි සංදේශ නියාමන කොමිෂන් සභාව ජාත්‍යන්තරව පිළිගත් ප්‍රචාරණ නිර්ණායක සහ භූමි දත්ත සමුදාය මෙන්ම අනෙකුත් පරිපාලන දත්ත සමුදායන් භාවිතා කරන නවීනතම සංඛ්‍යාත වර්ණාවලි කළමනාකරණ මෙවලම් භාවිතා කරමින් කාර්යක්ෂම හා ඵලදායී ලෙස සංඛ්‍යාත පවරයි.
පැවරුමක් සාමාන්‍යයෙන් නිශ්චිත සංඛ්‍යාතයක සහ ස්ථානයක ක්‍රියාත්මක වන සහ ඇන්ටෙනාවේ උපරිම බලය, උපරිම උස සහ ලක්ෂණ සම්බන්ධ පැහැදිලිව නිර්වචනය කර ඇති නියමයන් සහ කොන්දේසිවලට අනුව ක්‍රියාත්මක වන රේඩියෝ සන්නිවේදන මධ්‍යස්ථානයක් සමග සම්බන්ධ වෙයි.
ශ්‍රී ලංකා විදුලි සංදේශ නියාමන කොමිෂන් සභාව රේඩියෝ සංඛ්‍යාත වර්ණාවලිය පැවරීම සඳහා ප්‍රතිපත්ති සහ නිර්ණායක සංවර්ධනය කිරීම සඳහා වගකීම දරයි.
සංඛ්‍යාත වර්ණාවලි පැවරුම් ප්‍රතිපත්තිය
- සංඛ්‍යාත පැවරීමේ ක්‍රියාවලිය සියලු පරිශීලකයින් සඳහා විවෘත, විනිවිද පෙනෙන බවින් යුක්ත වන අතර වෙනස් කොට සැලකීමක් සිදු නොවේ.
- සමස්ත බලපත්‍ර ක්‍රියාවලියට සහය දැක්වීම සඳහා ප්‍රකාශිත පැවරුම් නිර්ණායකවලට අනුකූලව කාලානුරූපව සංඛ්‍යාත පැවරුම් නිකුත් කිරීම.
- සියලුම පරිශීලකයින් සඳහා සංඛ්‍යාත පැවරුම් ජාතික සංඛ්‍යාත වෙන් කිරීමේ වගුවට (NFAT) අනුකූලව සිදු කෙරේ.
- සංඛ්‍යාත වර්ණාවලි භාවිතය සඳහා ඉල්ලුම සැපයුම ඉක්මවා නොයන සංඛ්‍යාත පැවරීම සඳහා සරල පරිපාලන ක්‍රියාවලි යොදා ගනී. පළමුව පැමිණෙන අයට පළමුව ලබා දීමේ පදනම මත සංඛ්‍යාත පවරනු ලැබේ.
- සැපයුමට වඩා ඉල්ලුම ඉහළ, දුලබ සහ ඉහළින්ම අගය කෙරෙන සංඛ්‍යාත වර්ණාවලීන් වෙන්දේසි හෝ තරගකාරී ලංසු කැඳවීම හෝ සංඛ්‍යාත වර්ණාවලි වෙළඳාම වැනි වෙළඳපොළ පදනම් සංඛ්‍යාත වර්ණාවලි කළමනාකරණ ක්‍රම තුළින් පවරනු ලැබේ.
සංඛ්‍යාත සම්බන්ධීකරණය
සංඛ්‍යාත සම්බන්ධීකරණය යනු මෙහෙයුම් සඳහා එකම සංඛ්‍යාතය භාවිතා කරන විවිධ රේඩියෝ පද්ධති අතර රේඩියෝ සංඛ්‍යාත බාධා ඉවත් කිරීමට / අවම කිරීමට අදහස් කරන තාක්ෂණික සහ නියාමන ක්‍රියාවලියකි.
විවිධ පරිශීලකයින් සහ සේවාවන් විසින් සංඛ්‍යාත සුහදව බෙදා ගැනීම සහතික කිරීම සඳහා TRCSL ජාතික සංඛ්‍යාත සම්බන්ධීකරණය සිදු කරයි. විවිධ පරිපාලනයන්හි සංඛ්‍යාත භාවිතා කරන්නන්ගේ හානිකර මැදිහත්වීම් වළක්වා ගැනීම සඳහා එය ජාත්‍යන්තර සහ කලාපීය සංඛ්‍යාත සම්බන්ධීකරණය ද සිදු කරයි.
අසල්වැසි රටවලට බාධාවක් වීමේ හැකියාව ඇති සංඛ්‍යාත පැවැරුම් නිරන්තරයෙන්ම අනෙක් රටවල සමග සම්බන්ධීකරණය කිරීමේ අරමුණින් රේඩියෝ සන්නිවේදන කාර්යාංශය වෙත ඉදිරිපත් කෙරෙන අතර ඉන්පසු ප්‍රධාන ජාත්‍යන්තර සංඛ්‍යාත ලේඛනයේ Master International Frequency Register) ලියාපදිංචි කරනු ලැබේ.
