ජාත්‍යන්තර රාමුව
රේඩියෝ සන්නිවේදන සේවා සංඛ්‍යාව වැඩි වන විට, රේඩියෝ සංඛ්‍යාත වර්ණාවලිය ජාතික දේශසීමා තුළ සහ ජාත්‍යන්තර වශයෙන් දැඩි ලෙස තදබදයට පත්වේ. එකම පරාසය තුළ තවත් රේඩියෝ මධ්‍යස්ථාන ක්‍රියාත්මක කිරීම, ජාතික හා ජාත්‍යන්තර වශයෙන් හානිකර මැදිහත්වීම්වල සම්භාවිතාව ඉහළ නංවනු ඇත.
කෙටි දුර ජාතික භෞමික සන්නිවේදන සේවා හා සසඳන විට ගුවන් හා නාවික සහ සමුද්‍ර සන්නිවේදනය වැනි ගුවන් හා ජාත්‍යන්තර මුහුදේ දිගු දුර රේඩියෝ සන්නිවේදනයන්හිදී සංඛ්‍යාත වර්ණාවලි කළමනාකරණය කිරීම වඩාත් සංකීර්ණ හා සංවේදී කාර්යයකි. එබැවින් ජාතික දේශසීමා වටා සංඛ්‍යාත වර්ණාවලි භාවිතය සම්බන්ධීකරණය සහ එකඟතාව ඉතා වැදගත් වේ.
ගෝලීය පදනමින් සංඛ්‍යාත වර්ණාවලි භාවිතය නියාමනය කිරීම ජාත්‍යන්තර විදුලි සංදේශ සංගමයේ (ITU) රේඩියෝ සන්නිවේදන අංශයේ මූලික වගකීමකි. රේඩියෝ සන්නිවේදන අංශයේ (ITU-R) මෙහෙවර වන්නේ චන්ද්‍රිකා කක්ෂ භාවිතය ඇතුළුව සියලුම ගුවන්විදුලි සන්නිවේදන සේවා මගින් රේඩියෝ සංඛ්‍යාත වර්ණාවලියේ කාර්යක්ෂම, සාධාරණ, තාර්කික සහ ආර්ථිකමය භාවිතය සහතික කිරීම සහ රේඩියෝ සන්නිවේදනය පිළිබඳ අධ්‍යයනයන් සහ නිර්දේශ අනුගමනය කිරීමයි.
ITU විසින් සාමාන්‍යයෙන් වසර තුනකට වරක් ජාත්‍යන්තර ලෝක රේඩියෝ සන්නිවේදන සම්මන්ත්‍රණ (WRC) පවත්වයි. WRC යනු රේඩියෝ සංඛ්‍යාත වර්ණාවලි භාවිතය නියාමනය කරන ඉහළම ජාත්‍යන්තර ආයතනයයි. WRC තීරණ, විවිධ ආකාරයේ රේඩියෝ සේවා සඳහා සංඛ්‍යාත වෙන් කිරීම සහ යෙදවීම සඳහා කොන්දේසි නියම කරන ජාත්‍යන්තර රේඩියෝ රෙගුලාසි සාදයි. රේඩියෝ රෙගුලාසි ITU ගිවිසුම් තත්ත්වය ඇති ITU සම්මුතියට අමුණා ඇත. රේඩියෝ රෙගුලාසි වරින් වර WRC විසින් සංශෝධනය කරනු ලැබේ
ශ්‍රී ලංකාව ඇතුළු ITU සාමාජික රටවල ජාතික සංඛ්‍යාත වෙන් කිරීමේ වගුවේ (NFAT) අඩංගු සංඛ්‍යාත වර්ණාවලි පරාසයන් වෙන් කිරීම් සාමාන්‍යයෙන් වසර තුනකට වරක් පවත්වනු ලබන ITU රේඩියෝ රෙගුලාසිවල 5 වැනි වගන්තියේ ජාත්‍යන්තර සංඛ්‍යාත වෙන්කිරීම්වලින් ලබාගෙන ඇත.
සම්මුතියේ අත්සන්කරුවෙකු වශයෙන් අපගේ ජාතික අභිලාශයන් ප්‍රමාණවත් ලෙස ආරක්ෂා කෙරෙන රේඩියෝ සන්නිවේදන නියාමයන රාමුව සමග ජාත්‍යන්තර ප්‍රතිපත්තීන් අනුගත වන බව සහතික කිරීමට ITU-R හි සක්‍රිය භූමිකාවක TRCSL ක්‍රියාත්මක වෙයි.
ජාත්‍යන්තර සහයෝගීතාවන්ගේ අරමුණු සහ බැඳීම් වන්නේ:
- ජාතික, කලාපීය (APT) සහ ගෝලීය (ITU) මට්ටමින් WRC සඳහා යෝජනා සංවර්ධනය කිරීම සහ සූදානම් කිරීම.
- ITU-R ක්‍රියාකාරකම් , ප්‍රේක්ෂාවලි බෙදාගැනීම් අධ්‍යයනය, සංඛ්‍යාත සම්බන්ධීකරණය, ගුවන්විදුලි සන්නිවේදන උපකරණ ප්‍රමිතිකරණය සහ ගුවන්විදුලි තරංග ප්‍රචාරණය යනාදිය සම්බන්ධයෙන් ඵලදායී ලෙස සහභාගී වීම.
- අසල්වැසි රටවල් සමග (කලාපීය මට්ටමේ APT)) සහ ජාත්‍යන්තර මට්ටමින් (ICAO, IMO සහ WTO) අනෙකුත් සංඛ්‍යාත වර්ණාවලි කළමනාකරණය සම්බන්ධ ජාත්‍යන්තර සංසදවලට ක්‍රියාකාරීව සහභාගී වීම.
- සංඛ්‍යාත සම්බන්ධීකරණය, දැනුම්දීම් සහ කක්ෂීය පිහිටීම් යනාදී ITU රේඩියෝ රෙගුලාසි වෙතින් ඇති වන ජාත්‍යන්තර බැඳීම් ක්‍රියාත්මක වන බවට වග බලාගැනීම.
- වෙනත් පරිපාලනයන් වෙත බාධා කිරීමට හැකි/ ආරක්ෂාව අවශ්‍ය කරන සංඛ්‍යාත පැවරුම් සම්බන්ධයෙන් අදාළ පරිපාලනය සමග සම්බන්ධීකරණය කළ යුතු ය.
- දැනුම් දීමේ පරිපාලනය සමඟ සංඛ්‍යාත සම්බන්ධීකරණය ආරම්භ කළ යුතුද යන්න මුල් අවධියේදී හඳුනා ගැනීම සඳහා අභ්‍යවකාශ ගුවන් විදුලි සන්නිවේදන පද්ධති සඳහා ITU හි උසස් ප්‍රකාශන ක්‍රියාවලිය නිරීක්ෂණය කළ යුතුය.
