සංඛ්‍යාත වර්ණාවලි සැලසුම්කරණය
සංඛ්‍යාත වර්ණාවලියේ භාවිතයන් අඛණ්ඩව වර්ධනය වන අතර නව සේවාවන් අඛණ්ඩව සංවර්ධනය වෙමින් පවතී. අභියෝගය වන්නේ තාක්ෂණික වෙනස්වීම් සීඝ්‍රයෙන් ඉහළ යන පරිසරයක ප්‍රේක්ෂාවලි භාවිතයේ වෙනස්කම්වලට පහසුකම් සැලසීමයි. මෙම අභියෝගවලට මුහුණ දීම සඳහා පරීක්ෂාකාරී ප්‍රේක්ෂාවලී සැලසුම්කරණයක් අවශ්‍ය වේ
සංඛ්‍යාත වර්ණාවලි සැලසුම්කරණයට, ජාත්‍යන්තර ගිවිසුම්, තාක්ෂණික ලක්ෂණ සහ ප්‍රේක්ෂාවලියේ විවිධ කොටස්වල භාවිතයන් සහ ජාතික ප්‍රමුඛතා හා ප්‍රතිපත්ති අනුව සංඛ්‍යාත වර්ණාවලි කොටස්වලට වෙන් කිරීම ඇතුළත් වේ.
සංඛ්‍යාත වර්ණාවලි සැලසුම්කරණය, රේඩියෝ සංඛ්‍යාත නව ආකාරයන්ගෙන් භාවිතා කිරීමට ඉඩ සලසමින් සහ වර්තමාන පරිශීලකයන්ට ප්‍රතිලාභ ප්‍රශස්ත කරගැනීමට ඉඩ සලසමින් රේඩියෝ සන්නිවේදන සේවා සංවර්ධනය සඳහා සහය දක්වයි.
සංඛ්‍යාත වර්ණාවලි සැලසුම් සකස් කිරීමේදී ශ්‍රී ලංකා විදුලි සංදේශ නියාමන කොමිෂන් සභාව තාක්ෂණයේ නව්‍ය භාවිතයන් හරහා පවතින ඉල්ලීම්වලට ගැලපෙන අවස්ථාවන් සහ සමාජයේ වෙනස්වන අවශ්‍යතාවන් සැලකිල්ලට ගනී.
ජාතික සංඛ්‍යාත වෙන් කිරීමේ වගුව (NFAT)
ජාතික සංඛ්‍යාත වෙන්කිරීමේ වගුව (NFAT) ජාත්‍යන්තර විදුලි සංදේශ සංගමයේ (ITU) රේඩියෝ රෙගුලාසිවල 5 වැනි වගන්තියේ ජාත්‍යන්තර සංඛ්‍යාත වෙන්කිරීම් වලින් ව්‍යුත්පන්න වී ඇති අතර එය කලාපීය ප්‍රතිපාදනවලට ද අනුකූල වේ. රේඩියෝ රෙගුලාසි සාමාන්‍යයෙන් සෑම වසර 3 කට වරක් පැවැත්වෙන ITU ලෝක රේඩියෝ සන්නිවේදන සම්මන්ත්‍රණය (WRC) මගින් සංශෝධනය කෙරේ. NFAT මගින් ශ්‍රී ලංකාව සඳහා සියලුම සංඛ්‍යාත කලාප එම කලාප සඳහා වෙන් කර ඇති සේවාවන් ද සමග පෙන්වයි.
