මා TRCSL වෙත පාරිභෝගික පැමිණිල්ලක් ඉදිරිපත් කරන්නේ කෙසේ ද?
විදුලි සංදේශ සේවා සම්බන්ධ පැමිණිල්ලක් ඉදිරිපත් කළ යුතු ලෙස ඔබ දකින ගැටලුවක් සම්බන්ධයෙන් පළමුව ඔබේ දුරකථන ක්‍රියාකරුගෙන් සහනයක් ලබා ගන්නා ලෙස කාරුණිකව ඉල්ලා සිටිමු. පැමිණිල්ල කිරීමෙන් පසුව:
සාධාරණ කාලයක් තුළ ඔබේ ගැටලුවට සතුටුදායක පිළිතුරක් නොලැබුණහොත්, ඔබට එම අවස්ථාවෙහිදී කොමිසම වෙත ලිඛිත පැමිණිල්ලක් යැවිය හැක.
මගේ සේවාව අලුත්වැඩියා කරගැනීමේ ප්‍රමාදයක් ඇත. TRCSL හට මට උපකාර කළ හැකි ද?
ඔබ පළමුව ඔබේ සේවා සපයන්නාගෙන් සහය ඉල්ලා සිටිය යුතු ය. ඔබේ ක්‍රියාකරු වෙත යොමු කරන ලද වාචික සහ ලිඛිත සන්නිවේදනයන් මගින් මේ සම්බන්ධයෙන් සියලු මාර්ග ගවේෂණය කළ පසු, ඔබට TRCSL සම්බන්ධ කර ගත හැක. අප ඔබ වෙනුවෙන් ක්‍රියාකරු සමග කතා කිරීමට සූදානම්ව සිටින අතරම, ඔබගේ සේවාව ඉක්මනින් අලුත්වැඩියා කිරීමට පැමිණෙන ලෙස දුරකථන ක්‍රියාකරුවෙකුට බල කිරීමට අපට බලයක් නොමැති බව කරුණාවෙන් සලකන්න.
මට කරදරකාරී ඇමතුම් හෝ තර්ජනාත්මක ඇමතුම් පැමිණෙන්නේ නම් මා කළ යුත්තේ කුමක්ද?
කරදරකාරී ඇමතුම් හෝ තර්ජනාත්මක ඇමතුම් දිගටම සිදු වන්නේ නම් මා කළ යුත්තේ කුමක්ද?
හිරිහැර කිරීම හෝ තර්ජනාත්මක ඇමතුම් ලබා දීම සාපරාධී ක්‍රියාවක් වන අතර, එම හැසිරීම් සම්බන්ධයෙන් සිදු කෙරෙන පැමිණිල්ලක් මත පරීක්ෂණ පැවැත්වීමට පොලිසියට බලය පවරා ඇත.
එවැනි කරදර හෝ තර්ජනාත්මක ඇමතුම් ලබා දෙන පුද්ගලයා පිළිබඳ තොරතුරු මට ලබාගත හැකිද?
ලබාගත නොහැක
පාරිභෝගික තොරතුරු දැඩි රහස්‍යභාවයකින් යුතුව පවත්වාගෙන යාම නීතිමය අවශ්‍යතාවයකි. එය තෙවන පාර්ශ්ව සමග බෙදා ගත නොහැකි ය. මෙම තොරතුරු අදාළ පොලිස් ස්ථානයකට හෙළි කරනු ලබන්නේ විමර්ශනයක් සඳහා අධිකරණ නියෝගයක් ලැබීමෙන් පසුව පමණි.
