නීතිඥ ඒරූෂ කාලිදාස මහතා මුල් අධිකරණවල සහ අභියාචනාධිකරණවල දැඩි සිවිල් පරිචයක් ඇති පුහුණු උපදේශකවරයෙකි. ප්‍රායෝගික දැනුම බෙදා ගැනීම මගින් නීතිය පිළිබඳ වඩා හොඳ අවබෝධයක් ඇති වන බව ඔහු දැඩි ලෙස විශ්වාස කරන අතර කළමනාකාරීත්වයේ න්‍යායාත්මක දැනුමෙන් පෝෂණය වූ තම ප්‍රායෝගික දැනුම බෙදා ගැනීමට අපේක්ෂා කරන්නෙකි.

එරූෂ මහතා TEAM Libertas (Pvt) Ltd නීති උපදේශක ආයතනයේ අධ්‍යක්ෂවරයෙකු ලෙස ද කටයුතු කරයි.

ඔහු 2004 වසරේ සිට 2007 වසර දක්වා ශ්‍රී ලංකා නීති විද්‍යාලයේ දේශකයෙකු ලෙසත් ශ්‍රී ලංකා නීතිඥ සංගමය විසින් පවත්වන ‘ඵලදායි උපදේශක නීතිඥ ඩිප්ලෝමා පාඨමාලාවේ කථිකාචාර්යවරයකු ලෙසත් කටයුතු කළේ ය.

වෘත්තියෙන් නීතිඥවරයෙකු වන එරුෂ මහතා ශ්‍රී ලංකා නීති විද්‍යාලයේ උසස් නීති අධ්‍යයන ඒකකයේ බුද්ධිමය දේපළ නීතිය පිළිබඳ පශ්චාත් උපාධි ඩිප්ලෝමාවක්, එක්සත් රාජධානියේ ස්ටැෆර්ඩ්ශයර් විශ්ව විද්‍යාලයෙන් ජාත්‍යන්තර ව්‍යාපාර නීතිය පිළිබඳ පශ්චාත් උපාධියක් සහ කැළනිය විශ්ව විද්‍යාලයෙන් විද්‍යාවේදී උපාධියක් හිමිකරගෙන සිටී.